ACTUALITATES
segunda-feira, novembro 21, 2005
  Le numero de personas infectate per le VIH attinge plus de 40 milliones in 2005
Onusida, le programma del Nationes Unite contra le sida, ha diffundite hodie su rapporto annual super le stato de iste pandemia in le mundo que indica que le numero de personas affectate per iste mal supera le 40 milliones iste anno. Secundo le rapporto, le augmentation de feminas infectate continua usque representar 43% del casos. Le mortes causate per le sida se eleva a plus de tres milliones in 2005. Desde le identification del VIH, il ha quasi 25 annos, 25 milliones de personas ha morite per culpa de su effectos e le extension del pandemia nec ha cessate iste anno. Con plus de 25 milliones de personas seropositive, le Africa sunsaharian es ancora le region mundial plus affectate. Nunc le pandemia se extende anque per Europa oriental e Asia central. Tamen, le rapporto signala le succesos obtenite in Kenya, Tanzania e Zimbabwe ubi le taxa de infection de femina juvene ha decrescite gratias a le programmas de prevention. Onusida anque rememora que il ha habite progressos in le distribution de medicamentos anti-VIH in le paises paupere ben que ancora 6 milliones de personas seropositive necessita tratamento.
 
Comments:
Forsan le saguine de crocodilo es un bon solution contra le virus VIH?

Vide le articulo in altere blog in interlingua, Internodio - http://internodio.cjb.net/ ; directemente sub http://internodio2.blogspot.com/2005_08_01_internodio2_archive.html

Peter Kovacs (co-redactor del blog de actualitates de interlingua Internodio).
 
Ah, il habeva errores in mi ultime message; pardona:

'sanguine'

'in un altere blog'

Péter Kovács
 
Enviar um comentário



<< Home
"Actualitates" es un quaderno in linea qui face echo de le novas publicate in le jornales le plus importante del mundo. Le personas qui volera participar in "Actualitates" solmente debe commentar o resumer in interlingua novas actual de jornales international e inviar las al adresse electronic sequente: mourente@hotmail.com

A minha fotografia
Nome:
Localização: Santiago de Compostela, Galiza, Spain
ARCHIVES
10.2005 / 11.2005 / 12.2005 / 01.2006 /


Powered by Blogger